کلمہ شریف

اس کلمے دے عجب نظارے نے
ساری امت اس دے سہارے نے
دتا حکم ایہہ نبی دلارے نے
پڑھو لا الہٰ الّا اللہ۔۔۔۔۔۔۔

نہ پھردا رہویں بیکار یارا
کریں کلمے نال وپار یارا
ہک نبی سوھنا غمخوار یارا
پڑھو لا الہٰ الّا اللہ۔۔۔۔۔۔۔

سوھنے مدنی بناں ویرانی اے
ایہہ ظاہر راہ تے حیرانی اے
جدی دنیا سب دیوانی اے
پڑھو لا الہٰ الّا اللہ۔۔۔۔۔۔۔

وچ محشر منکر ڈر سی جی
فیر علمی دلیل نہ چل سی جی
رب آقا دی ہک من سی جی
پڑھو لا الہٰ الّا اللہ۔۔۔۔۔۔۔

ایہہ کلمہ تے اک سمندر نے
جو پڑھے بن دا سکندر نے
سانوں دَسیا محمود قلندر نے
پڑھو لا الہٰ الّا اللہ۔۔۔۔۔۔۔

<< پیچھے :: فہرست عنوانات :: آگے >>